Санаи 21 ноябри соли 2019 ҷаласаи 14-уми Ассамблеяи ҷавонони байнипарламентии ИДМ бо роҳбарии Ҷумҳурии Тоҷикистон (Миралиён Қ.) дар ш. Санкт-Петербург доир гардид. Дар ҷаласа намояндагони кишварҳои Арманистон, Молдова, Қазоқистон, Қирғизистон, Россия ва Тоҷикистон иштирок намуданд.
Дар ҷаласа 9 масъалаҳо баррасӣ гардида, иштирокчиён атрофи фарҳанги сиёсӣ ва сиёсати ҷавонон дар сатҳи кишварҳои ИДМ суханронӣ намуданд. Вобаста ба масъалаи таҳким бахшидани фаъолияти Ассамблеяи ҷавонон ва фаъол гардонидани намояндагиҳои кишварҳо пешниҳод манзур карда шуд, ки аз ҷониби вакилон ҳамаҷониба пазируфта шуд.
Ҳамзамон, нимаи дуюми ҳамин рӯз бо ҳамраисии ҷониби Тоҷикистон (Миралиён Қ.) ва бо иштироки васеи вакилон аз кишварҳои ИДМ мизи мудаввари муштараки байни Ассамблеяи ҷавонони байнипарламентии ИДМ ва Комиссияи Ассамблеяи байнипарламентии ИДМ оид ба сиёсати кишоварзӣ, захираҳои табиӣ ва экологӣ доир гардид, ки дар он намояндагои ҷавон ва олимону коршиносони соҳа дар мавзӯи “Рушди устувори ҳудудҳои кишоварзӣ” суханронӣ намуданд.
Қиёмиддин МИРАЛИЁН 