Фидоии Ватан унвон гирифтани ин мавод ба он асос меёбад, ки фарзандам-Ҳикматулло бар ивази оиладор шудан ва фаъолияти касбии меҳнатӣ хизмат ба Ватан, адо намудани хизмати ҳарбиро ҳанӯз моҳи майи соли 2022 ихтиёр кард. Ин иқдом дар ҳолест, ки мутаассифона бинобар муноқишаи санаҳои 14-16 сентябр дар сарҳади кишвар бо Қирғизистон рухдода даҳҳо сарбозон ҷон фидо карда, даҳҳои дигар маҷрӯҳ шуданд. Яъне, ин иқдом аз ҳувияти баланди ватандӯстӣ ва мардонагӣ дар роҳи дифои Модар-Ватан фидоӣ буданро инъикос менамояд.
Дар таърихи фаъолияти соҳа ва минтақа нахустин таҷриба ва ё лоиҳаест, ки пас аз талошу заҳматҳо ва пайгирии густурда ҳамчун низоми пешрафта барои татбиқ дар сатҳи ҷумҳурӣ пешниҳод мегардад. Нимаи дуюми соли 2022 Фармоиши Муовини якуми Раиси ҳизби Халқии Демократии Тоҷикистон аз 14.09.2022, №104 «Дар бораи татбиқи Рейтинги ҳизбӣ дар фаъолияти кумитаҳои иҷроияи ҲХДТ дар вилоятҳо ва шаҳру ноҳияҳо (аз таҷрибаи Кумитаи иҷроияи ҲХДТ дар вилояти Хатлон)» ба тавсиб расид, ки он татбиқи Рейтинги ҳизбиро ҳамчун механизми нав, инноватсионӣ, пешрафта ва технологияи иттилоотӣ дар фаъолият, зимнан тарзу услуби нави кори ҳизбӣ ва таҳкимбахши василаҳои идоракунӣ ва тақвиятдиҳандаи иқтидори зеҳнию амалии сохторҳои ҳизбӣ дар самти татбиқи босамари ҳадафҳои идеологӣ ва ҳамқадамӣ бо ҷомеаи муосир мақсад (асос) гузоштааст.
